Y Tŵr

Nofel gampws, ddystopaidd sy’n dychanu’r Gymru gyfoes. Dilynwn hanes Dr Heledd Owen, darlithydd yn y Gymraeg wrth iddi symud i safle newydd y Brifysgol y mae’n gweithio iddi, sef nendwr anghysbell sy’n cadw cyfrinachau tywyll. Mae’r nofel yn dangos sut y gall cymdeithas syrthio dros amser, heb i’r rhai sy’n aelodau ohoni sylwi na phrotestio. Mae’n nofel iasol, sy’n tywys y darllenydd o’r cyfarwydd i’r abswrd, a hynny heb newid cywair. Dyma nofel gyntaf Rebecca Thomas i oedolion.

“Nofel arswyd ddystopaidd, iasol, sy’n ddeifiol a theimladwy.” Llyr Gwyn Lewis.

“Chwip o nofel, hyfryd o frawychus, a’r tensiwn yn clecian.” Bethan Gwanas.